طبعا كبداية أي شي بالدنيا الانسان لا يستطيع أن يتقنه تماما ، لكن بعد التجربة و التكرار و الممارسة يصير عند الانسان خلفية عن الأمر اللي يقوم فيه ... ترددت وايد قبل لا أدخل هذا العالم ، و فكرت أكثر من مرة شنو طبيعة المدونة اللي راح اكتب فيها ... يعني هل راح تكون عامة فيها كل المواضيع أو تكون في مجال معين .. أو تكون بس كتابة و مقالات أو تكون بس فيديوات و صور ؟؟؟ ، وبعد كل هذي اللوية قررت إني أدخل أول شي أجرب و تالي أشوف شنو اللي يناسبني أكثر :)
أتصور أن المدونات لها أهمية كبيرة جدا على الساحة و لها تأثير كبير جدا على المجتمع ، و أكثر من يستخدمها هم شريحة الشباب اللي الكل يعول عليهم في بناء الوطن ، و بعد زيارات عديدة و مديدة " مديدة يعني ذات مدة طويلة :) " اكتشفت أن الشباب عندهم ثقافة واسعة و أقلام و أنامل ذهبية تخلي الواحد يندمج مع كتاباتهم و يقتنع بأفكارهم و يستمتع بأسلوبهم ، أضف إلى ذلك الدور الكبير اللي لعبووه في الانتخابات الماضية و حتى اللي قبلها و يمكن اللي قبلها بعد !!! .... اللي ابي أووصله أن آنا واحد في عمر الشباب و لازم أشارك في هذي الثروة و الثورة في آن واحد :)
عموما .. آنا راح أطل عليكم بين فترة و ثانية في المدونة و أحاول قدر استطاعتي ان اعرض عليكم كل جديد و انشاءالله انكم ما تملون من كتاباتي ، و تشاركون في المدونة بعرض آرائكم و ملاحظاتكم ... و شكرا :)
